|
Տեղի ունեցավ «Բարեպաշտ սերունդ» հիմնադրամի հոգաբարձուների խորհրդի նիստ հետևյալ օրակարգով`
-
Խաչատուր Աբովյանի անվան հայկական պետական մանկավարժական համալսարանին 15 համակարգիչ նվիրաբերելու վերաբերյալ:
-
Դրամաշնորհային մրցույթների անցկացման, ուսման վարձերի փոխհատուցման և կրթաթոշակների տրամադրման կարգերը հաստատելու մասին:
-
Դրամաշնորհային մրցույթների թեմաների և կրթաթոշակների տրամադրման հայտարարությունների մասին:
-
«Բարեպաշտ սերունդ» հիմնադրամի 2007թ. հաշվետվությունը հաստատելու մասին:
-
Հիմնադրամի 2008թ. գործունեության ծրագիրը և բյուջեն հաստատելու մասին:
-
«Բարեպաշտ սերունդ» հիմնադրամի կանոնադրության մեջ փոփոխություններ կատարելու մասին:
Մասնակցում էին հոգաբարձուների խորհրդի բոլոր հինգ անդամները և հիմնադրամի տնօրենի ժ/պ Վ. Մկրտչյանը: Նիստը վարում էր հոգաբարձուների խորհրդի նախագահ Բարսեղ Բեգլարյանը: Նա էլ խորհրդի քննարկմանը ներկայացրեց օրակարգի առաջին հարցը:
Օրակարգի առաջին հարցի վերաբերյալ արտահայտվեցին.
Սամվել Հարությունյան և Տիգրան Սարգսյան - առաջարկեցին 15 համակարգիչ գնելու փոխարեն մանկավարժական համալսարանին նվիրել ավելի արդիական և կարևոր նշանակություն ունեցող տեխնիկա` SMART գրատախտակներ:
Խորհուրդը որոշեց և հիմնադրամի տնօրենի ժ/պ Վ. Մկրտչյանին հանձնարարեց հարցը քննարկել Մանկավարժական համալսարանի ղեկավարության հետ և ըստ նպատակահարմարության ՀՊՄՀ-ին նվիրաբերել 3 մլն դրամ արժողության համակարգչային տեխնիկա / SMART գրատախտակ և համակարգիչներ/:
Օրակարգի երկրորդ հարցը քննարկման ներկայացրեց Վահրամ Մկրտչյանը:
Արտահայտվեցին`
Տիգրան Սարգսյան - առաջարկեց, որ այսուհետ ծավալուն փաստաթղթեր քննարկմանը ներկայացնելիս, նախապես երկու օր առաջ, համապատասխան փաստաթղթերը ներկայացնել հոգաբարձուների խորհրդի անդամներին: /Առաջարկն ընդունվեց խորհրդի կողմից:/ Առաջարկեց նաև, որ դրամաշնորհային մրցույթները հայտարարելիս նշել թիրախ խումբը: Նաև ստեղծել ՀՀ-ի համար կարևոր նշանակություն ունեցող խնդիրներով զբաղվող և հիմնադրամի հետաքրքրության շրջանակներում գտնվող գիտահետազոտական խմբերի, կազմակերպությունների և անհատ հետազոտողների բազա:
Սամվել Հարությունյան - առաջարկեց դրամաշնորհային մրցույթները գնահատելու համար կազմել թեմատիկ հանձնաժողովներ: Ինչպես նաև համագործակցել ՀՀ ԿԳՆ Գիտության Պետական Կոմիտեի հետ և նրանից ստանալ փորձագիտական կարծիք:
Վ. Մկրտչյան – տեղեկացրեց, որ առաջին դրամաշնորհային մրցույթի ժամանակ հայտատուները իրենց աշխատանքները զեկուցել են Մտագործունեական Համակարգերի Զարգացման Մեթոդաբանական Կենտրոնում, որի արդյունքում մրցութային հանձնաժողովը որոշել է մասնակիցներից ոչ մեկին հաղթող չճանաչել, այլ մի քանիսի հետ ստորագրել հանձնարարական պայմանագրեր:
Տիգրան Սարգսյան - առաջարկեց այդ մեխանիզմը ամրագրել ներկայացված կարգում:
Որոշեցին - ավելի մանրամասն ծանոթանալ ներկայացված կարգերին և հնգօրյա ժամկետում իրենց առաջարկությունները գրավոր ներկայացնել հիմնադրամ: Առաջարկությունները չներկայացնելու դեպքում նախագծերը համարել ընդունված:
Օրակարգի երրորդ հարցի վերաբերյալ արտահայտվեցին.
Տիգրան Սարգսյան - առաջարկեց առայժմ դրամաշնորհային մրցույթ չհայտարարել, այլ առանձնացնել հիմնադրամի նպատակներից բխող 50 թեմա և դրանք ներկայացնել հոգաբարձուների խորհրդի հաստատմանը:
Որոշեցին - Հանձնարարել Վ. Մկրտչյանին առանձնացնել 50 թեմաներ և ներկայացնել խորհրդին:
Օրակարգի չորրորդ հարց.
Հարցը քննարկման ներկայացրեց Վահրամ Մկրտչյանը:
Խորհուրդը որոշեց հաստատել 2007թ. հաշվետվությունը:
Օրակարգի հինգերորդ հարց:
Արտահայտվեցին.
Սամվել Հարությունյան - Առաջարկեց բյուջեով նախատեսված կրթաթոշակները տրամադրել միայն բակալավրիատի ուսանողներին, առաջարկը հիմնավորելով, որ մագիստրոսները և ասպիրանտները մեծամասամբ ուսման հետ զուգահեռ նաև աշխատում են: Ներկայացվեց համապատասխան վիճակագրություն, համաձայն որի մագիստրոսները և ասպիրանտները սովորաբար սոցիալապես ապահով ընտանիքներից են լինում:
Մանուկ Մկրտչյան - առաջարկեց հետևյալ թեզը, որ եթե նույն ընտանիքից 3 երեխա միաժամանակ ուսանող են, ապա երրորդի վարձը փոխհատուցել:
Որոշեցին - հաստատել հիմնադրամի 2008թ. գործունեության ծրագիրը և բյուջեն:
Օրակարգի վեցերորդ հարց -
Արտահայտվեցին.
Մանուկ Մկրտչյան - Առաջարկեց առավել մանրամասն ուսումնասիրել հիմնադրամի կանոնադրությունը և բացի ներկայացված փոփոխություններից անհրաժեշտության դեպքում նաև անդրադառնալ հիմնադրամի նպատակներին, խնդիրներին և ներկայացնել համապատասխան փոփոխություններ:
|