Մրցութային կարգեր

1. Դրամաշնորհային մրցույթ
2. Կրթաթոշակների տրամադրում
3. Ուսման վարձերի փոխհատուցում

1. Դրամաշնորհային մրցույթները կազմակերպվում և անցկացվում են սույն կարգին համապատասխան՝ առաջնորդվելով հրապարակային սակարկությունների մասին ՀՀ օրենքով:

2. Մրցույթը կազմակերպում և անցկացնում է հիմնադրամի տնօրենի հրամանով ստեղծված հանձնաժողովը, որը բաղկացած է առնվազն երեք հոգուց:

Հանձնաժողովն իրավասու է ընդունել որոշումներ, եթե նիստին մասնակցում են անդամների կեսից ավելին: Որոշումներն ընդունվում են ձայների պարզ մեծամասնությամբ, մրցույթի հաղթողի վերաբերյալ որոշումներն ընդունվում են անդամների ընդհանուր թվի մեծամասնության քվեով:

2.1. Հանձնաժողովը հոգաբարձուների խորհրդի հավանությանն արժանացած թեմայով հայտարարում է մրցույթ, որի մասին հայտարարությունը հրապարակվում է առնվազն 1000 տպաքանակ ունեցող մամուլում (առնվազն 3 օրաթերթում):

2.2. Մրցույթի մասին հայտարարությունը պետք է բովանդակի.

• մրցույթի թեման, հայտի ներկայացման և մրցույթի անցկացման ժամկետները և տեղը,
• մրցույթին մասնակցելու համար անհրաժեշտ փաստաթղթերի ցանկը,
• հանձնաժողովի որոշմամբ այլ տեղեկություններ:

3. Մրցույթին մասնակցելու ընթացակարգը:
Մրցույթին մասնակցելու համար հայտատուն լրացնում է համապատասխան հայտ /նմուշը կցվում է/, որին կցվում է մրցութային հանձնաժողովի կողմից հաստատված փաստաթղթերը:

Մրցույթն անցկացվում է երկու փուլով:

Առաջին փուլում մասնակիցը ներկայացնում է նախնական աշխատանք՝ տպագիր երեք էջի սահմաններում: Հանձնաժողովի հավանությանն արժանանալուց հետո այն անցնում է երկրորդ փուլ, որի ժամանակ մասնակիցը ներկայացնում է ավելի ծավալուն աշխատանք /մինչև 10 էջ/ և հանդես է գալիս զեկույցով:

4. Մրցույթի հաղթողի հետ կնքվում է համապատասխան պայմանագիր:

5. Մրցույթին մասնակցելու իրավունք ունեն մինչև 35 տարին լրացած անձիք:

1. Սույն կարգը սահմանում է Հայաստանի Հանրապետությունում սահմանված բոլոր մասնագիտությունների գծով, շնորհալի և նորարարության ոգով օժտված ուսանողներին և ասպիրանտներին խրախուսելու նպատակով, կրթաթոշակ նշանակելու պայմանները և ուսանողների ընտրման ընթացակարգը:

2. Կրթաթոշակները նշանակվում են յուրաքանչյուր կիսամյակ այն ուսանողներին և ասպիրանտներին, որոնք ԲՈՒՀ-ում իրենց ուսումնառության ողջ ընթացքում ցուցաբերել են բարձր առաջադիմություն և բավարարում են սույն կարգով սահմանված պահանջներին:

3. Հիմնադրամի կողմից լավագույն ուսանողների ընտրությունը իրականացվում է մրցութային կարգով՝ բակալավրիատի երրորդ, չորրորդ և մագիստրատուրայի առաջին և երկրորդ կուրսի ուսանողներից:

4. Մրցույթը կազմակերպում և անցկացնում է հիմնադրամի տնօրենի հրամանով ստեղծված հանձնաժողովը՝ սույն կարգին և ՀՀ օրենքներին համապատասխան, որը բաղկացած է առնվազն երեք հոգուց:

Հանձնաժողովն իրավասու է ընդունել որոշումներ, եթե նիստին մասնակցում են անդամների կեսից ավելին: Որոշումներն ընդունվում են ձայների պարզ մեծամասնությամբ, մրցույթի հաղթողի վերաբերյալ որոշումներն ընդունվում են անդամների ընդհանուր թվի մեծամասնության քվեով:

4.1. Հանձնաժողովն ուսանողների ընտրությունն իրականացնում է երկու փուլով.

• փաստաթղթային ընտրություն՝ սույն կարգին համապատասխան հիմնադրամ ներկայացված փաստաթղթերի հիման վրա,
• բանավոր հարցազրույց:

5. Կրթաթոշակները հատկացվում են վեց ամիս ժամկետով:

6. Սույն կարգին համապատասխան կրթաթոշակ ստացողները պետք է մասնակցեն հիմնադրամի կողմից անցկացվող բոլոր միջոցառումներին (սեմինարներ, կոնֆերանսներ և այլն): Երկու և ավելի միջոցառման չմասնակցելու դեպքում ուսանողը կարող է զրկվել կրթաթոշակից:

7. Յուրաքանչյուր ուսումնական կիսամյակի սկսվելուց առաջ հիմնադրամը ԲՈՒՀ-երի ռեկտորներին է ուղարկում հոգաբարձուների խորհրդի կողմից հավանություն ստացած հայտարարությունը, որը փակցվում է ֆակուլտետների հայտարարությունների տախտակների վրա:

8. Հայտարարության մեջ պարտադիր նշվում են մրցույթին մասնակցելու համար ուսանողներին և ասպիրանտներին ներկայացվող սույն կարգով նախատեսված պահանջները, կրթաթոշակի գումարը, կրթաթոշակների քանակը ըստ մասնագիտությունների, դիմումների և դրանց կից փաստաթղթերի ներկայացման ժամկետները, հանձնաժողովի որոշմամբ այլ անհրաժեշտ տեղեկություններ:

9. Ուսանողների և ասպիրանտների կողմից ներկայացված փաստաթղթերը և նյութերը ստանալուց հետո տասնօրյա ժամկետում՝

• իրականացվում է փաստաթղթային ընտրություն,
• նշանակվում է բանավոր հարցազրույցի անցկացման օր և ժամ:

10. Հանձնաժողովի կողմից նախապատվությունը տրվում է նորարարական միտք և հետազոտական հակումներ ունեցող ուսանողներին:

11. Հանձնաժողովը հարցազրույցից հետո հնգօրյա ժամկետում ուսանողներին տեղեկացնում է մրցույթի արդյունքների մասին և մրցույթով անցած ուսանողներին հրավիրում հիմնադրամ՝ պայմանագիր կնքելու համար:

Պայմանագրի անհրաժեշտ պայմաններն են՝

• կրթաթոշակի չափը
• գումարների վճարման ժամկետները
• պայմանագրի վերանայման պայմանները

12. Մրցույթին մասնակցելու համար ԲՈՒՀ-երի ուսանողները և ասպիրանտները հայտարարության մեջ սահմանված ժամկետներում հիմնադրամ են ներկայացնում՝

• առաջադիմության թերթիկ կամ ստուգարքային գրքույկի պատճեն՝ բոլոր կիսամյակների գնահատականներով
• երաշխավորագիր ֆակուլտետից
• անձնագրի և սոցիալական քարտի պատճեները
• երկու լուսանկար

Փաստաթղթերը ներկայացնելիս լրացնում է հատուկ թեստ՝ դիմողի ընդհանուր զարգացվածության վերաբերյալ պատկերացում կազմելու համար:

Սույն կարգը սահմանում է շնորհալի ուսանողների ուսումը շարունակելու և խրախուսելու նպատակով հիմնադրամի կողմից ուսման վարձի փոխհատուցման պայմանները և ուսանողների ընտրման ընթացակարգը:

ՈՒսման վարձերի փոխհատուցումն իրականացնում է հիմնադրամի տնօրենի հրամանով ստեղծված հանձնաժողովը` սույն կարգի համաձայն: Ուսանողի ուսման վարձը փոխհատուցվում է հանձնաժողովի որոշմամբ: Փոխհատուցվումը տրվում է յուրաքանչյուր կիսամյակը մեկ: Յուրահատուկ դեպքերում հանձնաժողովի որոշմամբ կարող է փոխհատուցվել ամբողջ տարվա վարձը:

Ներկայացվող փաստաթղթերն են՝.

• տեղեկանք ԲՈՒՀ-ից, տվյալ ԲՈՒՀ-ի ուսանող լինելու համար
• երաշխավորագիր ֆակուլտետից
• անձնագրի և սոցիալական քարտի պատճեները
• տեղեկանք ծնողների աշխատավայրից՝ նրանց եկամուտների վերաբերյալ
• եթե ծնողազուրկ է, ապա ծնողի մահվան վկայականը
• զստուգարքային գրքույկի պատճեն բոլոր կիսամյակնների գնահատականներով:

Ուսանողների կողմից ներկայացված փաստաթղթերը ստանալուց հետո, 5 օրյա ժամկետում, հանձնաժողովը դիմողի արժեքային համակարգին ծանոթանալու նպատակով հրավիրում է բանավոր հարցազրույցի, որից հետո կայացնում է որոշում:

Սույն կարգին համապատասխան փոխհատուցում ստացող ուսանողները պետք է մասնակցեն հիմնադրամի կողմից անցկացվող բոլոր միջոցառումներին (սեմինարներ, կոնֆերասներ և այլն): Միջոցառումներից անհարգի բացակայության դեպքում ուսանողը կարող է զրկվել հաջորդ կիսամյակի վարձի փոխհատուցման հնարավորությունից: